Астана қалалық сотында инвестициялық дауларды қарау кезінде туындайтын мәселелер талқыланды
Бүгін судьялардың, «Атамекен» Ұлттық кәсіпкерлер палатасының, прокуратура, мүдделі мемлекеттік органдар өкілдерінің және инвесторлардың қатысуымен Астана қалалық сотында «Инвестициялық қызметтен туындайтын даулар бойынша соттылықты анықтау мәселелері» тақырыбында «дөңгелек үстел» өтті.
Астана қалалық сотының судьясы Мараш Манабаева осы іс-шараны аша келе, инвестициялық сот ісін жүргізудің негізгі міндеті инвесторлардың құқықтары мен заңды мүдделерін сапалы қорғау, олардың отандық сот жүйесіне сенімін арттыру болып табылатынын атап өтті.