Дс, 13/11/2023 - 11:36
Баспаға арналған нұсқасы
Хат жолдау
Ф.Эберт қорының Қазақстандағы өкілдігі өткен аптаның соңында еліміздегі өзінің 30 жылдық мерейтойын мерекелеу аясында достық кездесу ұйымдастырды.
Қордың еліміздегі директоры Александр Вольтерс: «Біз серіктестерімізсіз, достарымызсыз табысымыздың жарқын тарихын жаза алмас едік», деп атап өтті.
Осы жылдар ішінде Қор құқықты дамыту, кәсіподақтар, жастар көшбасшылығы, жергілікті өзін-өзі басқару және басқа да салаларда түрлі жобаларды іске асырды.
Жоғарғы Сот Қормен 2008 жылдан бастап өзара іс-қимылын жүзеге асырып келеді. Бірлескен ынтымақтастықтың нәтижесінде азаматтардың құқықтық мәдениеті мен сауаттылығын арттыруда маңызды жұмыстар атқарылды.
Жоғарғы Соттың судьясы Елена Максюта Қорға білім беру блогының іс-шараларын дайындаудағы жемісті серіктестік іс-қимылдары үшін алғыс айтты.
Астана қаласындағы FES офисінің басшысы Зәуреш Шутоваға жоғары сот органының Төрағасы Асламбек Мерғалиевтің құттықтау хаты және «Халықаралық ынтымақтастықты дамытуға қосқан үлесі үшін» ведомстволық медалі табыс етілді.
