Жаңалықтар

Шымкент қалалық сотының төрағасы – Әділхан Шайхисламов

25/04/2024

Жоғарғы Соттың әкімшілік істер жөніндегі сот алқасының төрағасы Аслан Түкиев Шымкент қалалық сотының судьяларына жаңадан тағайындалған төраға Әділхан Шайхисламовты таныстырды.

Кездесуге Шымкент қаласының әкімі Ғабит Сыздықбеков, қаланың құқық қорғау және мемлекеттік органдарының басшылары, судьялар мен адвокаттар қатысты.

Өз сөзінде А.Түкиев Әділхан Шайхисламұлының 20 жыл судьялық тәжірибесі барын, сот жүйесінің дамуына қосқан үлесін, жоғары біліктілігін, ерекше адалдығы мен қажырлы еңбегін атап өтті.

ҚР ЖОҒАРҒЫ СОТЫ республика соттарының сот отырыстарын тікелей эфирде өткізу практикасын жалғастыруда

24/04/2024

Алматы қаласының Қылмыстық істер жөніндегі мамандандырылған ауданаралық сотында (ҚМАС) бұзақылық жасап, көлікті қауіпсіз пайдалануды қамтамасыз ету ережелерін бұзып, абайсызда үш адамның өліміне әкеп соқтырғаны үшін айыпталған сотталушыға қатысты қылмыстық іс бойынша кезекті сот отырысы өтеді (ҚР ҚК-нің 293-бабының 1-бөлігі, 351-бабының 3-бөлігі).

Әкімшілік әділеттің тиімділігі мен дамуы туралы

24/04/2024

Мәжiлiсте әкiмшiлiк әділет аясын кеңейтуге арналған заң жобалары қаралып жатқаны белгiлi.
Азаматтар мен кәсiпкерлердiң құқықтары мен заңды мүдделерiн мемлекеттiк органдардың заңсыз әрекеттерiнен қорғауда әкiмшiлiк әділеттiң тиiмдiлiгi қазiргi уақытта соттардың мемлекеттiк органдардың әрекетiне (әрекетсiздiгiне) шағым жасау бойынша азаматтардың талаптарының 63%-ға дейiн қанағаттандырылуымен дәлелденедi.

Талғат Ибрашев - Алматы облыстық сотының төрағасы

24/04/2024

Жоғарғы Соттың қылмыстық істер жөніндегі сот алқасының төрағасы Назгүл Рахметуллина Алматы облыстық сотының судьялар корпусына оның төрағасы Талғат Ибрашевты таныстырды.
Кездесуге Алматы облысының әкімі М.Сұлтанғазиев, облыстың құқық қорғау және мемлекеттік органдардың бірінші басшылары, судьялар мен сот қызметкерлері қатысты.

Е.Рахымбеков - Маңғыстау облыстық сотының жаңа төрағасы

24/04/2024

Асламбек Мерғалиев Маңғыстау облыстық сотының ұжымына жаңадан тағайындалған төраға Ербол Рахымбековты таныстырды.

Іс-шараға облыс әкімі Нұрлан Ноғаев, облыстың мемлекеттік және құқық қорғау органдарының басшылары, судьялар мен сот қызметкерлері қатысты.

Жоғарғы Сот Төрағасы Ербол Мұқажанұлын жоғары білікті судья, жауапты, әділ, адал адам ретінде сипаттай келе, оның өңірде сапалы сот төрелігін қамтамасыз ету үшін бар білімі мен тәжірибесін жұмсайтынына сенім білдірді.

Қ.Бишімбаевтың ісі бойынша сот отырысы: 15-процесс

23/04/2024

Бүгін Қ.Бишімбаев пен Б.Байжановқа қатысты қылмыстық іс бойынша кезекті сот отырысы өтті.

Сот заттай дәлелдеме – сотталушы Қ.Бишімбаевтың ұялы телефонын зерттеуді жалғастырды.

Тараптар смартфондағы жеке хат-хабарлар мен фотогалереяны зерттеді. Сондай-ақ, іс бойынша бір куәден жауап алынды.

Сот отырысы а.ж. 24 сәуіріне, сағат 10.00-ге шегерілді.

Қазақстан мен Оңтүстік Корея соттарының өкілдері электронды сот ісін жүргізуді дамыту тәжірибесімен бөлісті

23/04/2024

Сот әкімшілігі басшысының орынбасары Жантемір Шакиев Дүниежүзілік банк сарапшыларымен Оңтүстік Кореяда азаматтық істер бойынша электронды сот ісін жүргізу және онлайн сот процесін ұйымдастыру бойынша тәжірибе алмасу мақсатында өткен кездесуге қатысты.

Ташкентте «Тәуекелділігі жоғары сот процесі” тақырыбында семинар өтті

23/04/2024

Жоғарғы Соттың судьясы Нұржан Жолдасбеков, Сот әкімшілігі хатшылығының сектор меңгерушісі Лаура Тұрышева және Бас прокуратураның басқарма бастығы Омар Сауытбаев Еуропалық Одақ қаржыландыратын Орталық Азиядағы құқық қорғауды қамтамасыз ету (LEICA) жобасы аясында ұйымдастырылған «Тәуекелділігі жоғары сот процесі”атты үш күндік аймақтық семинарға қатысты.

Назгүл Рахметуллина Жоғарғы Соттың қылмыстық істер жөніндегі сот алқасының төрағасы болып тағайындалды

22/04/2024

Асламбек Мерғалиев жоғары сот органының ұжымына Жоғарғы Соттың қылмыстық істер жөніндегі сот алқасының жаңадан тағайындалған төрағасы Назгүл Рахметуллинаны таныстырды.
 

Назгүл Мәуілханқызы өз ісін адал атқаратын әрі принципшіл маман. Еліміздің сот жүйесінде атқарған көп жылдық тәжірибесі бар. Оның осы аса жауапты лауазымға тағайындалуы Мемлекет басшысының зор сенімін білдіреді», - деп атап өтті А.Мерғалиев.

Ол Н.Рахметуллина өзінің барлық білімі мен тәжірибесін жұмсай отырып, қызметтік борышын абыроймен атқаратынына сенім білдірді.

Қ.Бишімбаевтың ісі бойынша сот отырысы: 14-процесс

22/04/2024

Бүгін Қ.Бишімбаев пен Б.Байжановқа қатысты қылмыстық іс бойынша кезекті сот отырысы өтті.

Сот отырысы басталар алдында іс бойынша төрағалық етуші судья БАҚ өкілдерінің сот залына тікелей қатысуына рұқсат беріп, елордалық телеарналардың бірінің өкілдері алқабилердің фото және видео бейнелерін таратқаны үшін әкімшілік жауаптылыққа тартылғанын ескертті.

Сот процесі барысында судья қорғаушы тараптың 2024 жылғы 3 қаңтардағы қосымша комиссиялық сот-медициналық сараптамасын дәлелдеме ретінде жол берілмейді деп тану туралы өтінішхатын қанағаттандырудан бас тартты.

Беттер