жм, 15/08/2014 - 15:17
Ақмола облыстық сотында сот төрағасы Нұрғазы Әбдіқановтың төрағалығымен өткен кезекті жалпы отырыста Астрахан аудандық сотының төрағасы лауазымына Жоғарғы Сот Төрағасының ұсынымы қаралды. Баламалы негізде екі судьяның кандидатурасы ұсынылды. Олар – Ан Алексей Николаевич және Жақсы аудандық сотының судьясы Жоламанова Зәуре Ғабдиссалямқызы.
Талқылау қорытындысы бойынша жалпы отырысқа қатысушылар екі кандидатқа да бірауыздан оң шешім шығарды.
Отырыста Конституция күнін мерекелеуге арналған іс-шараларды өткізуге дайындық барысы, сондай-ақ сот төрелігін жүзеге асыру сапасын арттыруға бағытталған ағымдағы мәселелер мен соттарды материалдық-техникалық қамтамасыз етудің жай-күйі пысықталды.
Облыстық соттың төрағасы облыстық сот аппараты қызметкерлеріне орындаушылық тәртіпті арттыруды тапсырды.